कहाँ बिर्सिन्छु र …………. म..........????????



मनमोहक तिम्रो बोली
मेरो कानमा ठोक्किन कहिल्यै मानेन
कहाँ बिर्सिन्छु र त्यो कान
जसले तिम्रो हल्लालाई गीत बनाई सुनिरहेछ । । । । । ।

नौनी जस्तै कोमल तिम्रा हत्केलाहरु
कठोर हातले बिझाउला भनि कहिल्यै छुइन
कहाँ बिर्सिन्छु र त्यो पत्थरी हात
जसले साथीको नाम लिई तिमीलाई तानिरहेछ । । । । । ।

भगवानले कस्ट गरी बनाएको बारुली कम्मर तिम्रो
म सँगै मच्चिदा भाचिन्छ भन्यौ
कहाँं बिर्सिन्छु र त्यो अजङगको कम्मर
जसलाई तिमीले जबरजस्ती मच्काइरहिछयौ । । । । । ।

टम्म औंला मिली बनेका सभ्य पाउहरु
असभ्य ठानी आँफैलाई ,,,, सँगै पाइला चालिन
कहाँ बिर्सिन्छु र त्यो अभ्राखे खुट्टा
जो तिमीले बनाएको बाटोमा कुदिरहेछ । । । । । ।

सुन्दर छन् तिम्रा अङ्गहरु
सपनिमा पनि लोलायनन् मेरा लागि
कहाँ बिर्सिन्छु र त्यो नसालु आँखा
जसले तिम्रो माधुर्यत|लाई चुसिरहेछ । । । । । ।

दाग लाग्ला जस्तो तिम्रो मुहार
श्रदालु मायाले चुम्न दिएन…….. मलाई
कहाँ बिर्सिन्छु र त्यो कामुक ओठ
जसले नैतिकता भित्रबाटै अनैतिकता पोखिरहेछ । । । । । ।