बनावटी प्रिया

­जति आउछ, त्यति मात्रै बोल प्रिय,

नत्र हरेक शब्दहरुका अर्थ म केलाउने छु,

प्रत्येक गलत शब्दमा तिम्रो अबमुल्यन हुनेछ

तर बास्तबिकता, तिम्रो बेबकुफिमा नै मेरो प्रेम अड्केको छ !

                                                          

मुहारमा लेपन धेरै नलगाउ प्रिय

मेरो नजर केवल फुस्रो तिम्रो मुहारमा नै अल्झिनेछ

श्रृंगार त केवल दुर नजरका लागि मात्रै हो

यी हातहरु श्रृंगारबिहिन तिम्रो चेहेरामा मात्रै सल्बलाउने छ !

अग्ला चप्पलहरुमा धेरै नकुद प्रिय

एक-एक चालहरुका आवाज म ध्यानले सुन्नेछु

सहि हिड्यौ या गलत, तिमीलाई नै ज्ञान होला

तर चार दिवार भित्र तिमी चप्पल बिना नै हुनेछौ !

किम्ती र बाक्ला पहिरनले कामुक नबन प्रिय

तिम्रो कमुकतामा म आफु उत्तेजित हुन खोज्नेछु

फेरी म मा उत्तेजना नआउन पनि  सक्ला

किनकि मैले हेर्ने तिमी नांगी हुनेछौ !

तिमी भित्रको मासुम मुर्खतामा रम्न मन छ

ति ओईलाएका फुस्रा अंगहरुमा खेल्न मन छ

तिमी भित्रको असली “तिमी” हेर्न मन छ

त्यो “असली तिमी”लाई नै औधी माया गर्न मन छ

By kalpana kiran

Feb 18 2016